Наступны матч Іслач 12 мая (16:00) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ДНЕПР" — "ДЫНАМА-МІНСК": ІНФАРМАЦЫЯ АБ МАТЧЫ

25.04.2024

У суботу, 27 красавіка, нашай камандзе належыць згуляць у Магілёве — з мясцовым "Дняпром" у межах 6-га тура чэмпіянату краіны-2024 ў элітным дывізіёне. Супернікі пазмагаюцца на стадыёне "Спартак" (вул. Ленінская, 50Б). Пачатак у 20.15.

КВІТКІ

Кошт — 7 рублёў. Для дзяцей ад 8 да 14 гадоў — 3 рублі, да 7 гадоў — уваход вольны.

Набыць можна загадзя анлайн ці ў дзень паядынку ў касах арэны (з 18.45).

Для заўзятараў "Дынама-Мінск" выдзелены сектар 12.

НАДВОР’Е

Паслязаўтра ўвечары ва ўсходнім абласным цэнтры будзе ясна, ападкаў не чакаецца — пры тэмпературы +11+13 градусаў.

ФОРМА

Войска Вадзіма Скрыпчанкі выйдзе на поле ў белых майках і трусах (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Прызначэнне на сустрэчу атрымала брыгада арбітраў на чале з Сяргеем Лабацэвічам, асістэнтамі якога стануць Юрый Хомчанка (абодва — Віцебск) і Дзмітрый Загарэльскі (Орша). Чацвёрты суддзя — Ягор Драмезаў (Ветка).

Інспектар матчу — Юрый Майстроў (Фаніпаль).

Дэлегат АБФФ — Яўген Капылоў (Мінск).

ТРАНСЛЯЦЫЯ

У жывым эфіры сачыць за развіццём падзей дазволіць тэлеканал "Беларусь 5".